Հերքում «Էկոնյուզ» կայքում հրապարակված ապատեղեկատվության վերաբերյալ

Տեղեկացնում ենք, որ Բնապահպանության և ընդերքի տեսչական մարմնի Երևանի ՏԲ աշխատակիցները, հաշվի առնելով «Երևանի կենդանաբանական այգի» ՀՈԱԿ-ի տնօրենի ժ/պ-ի գրությունը, 2019թ. դեկտեմբերի 11-ին Գյումրու «Օազիս» ռեստորանից Երևանի կենդանաբանական այգի տեղափոխված թվով 1 «Ռեզուս մակակ» տեսակի կապիկին կարանտինային բուժման և հետազոտության նպատակով տեղափոխել են «Զօօ ֆաունա-Արտ» վերականգնողական կենտրոն:

Ցավում ենք, որ հոդվածագիրը չի կարողացել ուսումնասիրել իրականացված աշխատանքների ժամանակագրությունը և չի համադրել փաստերը։

Չանդրառնալով հրապարակման հեղինակի կողմից ապատեղեկատվություն տարածելու դրդապատճառներին՝ հորդորում ենք զերծ մնալ Բնապահպանության և ընդերքի տեսչական մարմնի ղեկավարի անվան հետ որևէ առնչություն չունեցող, կեղծ լուրեր տարածելուց։