ՀՀ բնապահպանության և ընդերքի տեսչական մարմնի ղեկավար Վիգեն Ավետիսյանն այսօր անցկացրել է գործակարգավարական առաջին խորհրդակցությունը

ՀՀ բնապահպանության և ընդերքի տեսչական մարմնի ղեկավար Վիգեն Ավետիսյանն այսօր անցկացրել է գործակարգավարական առաջին խորհրդակցությունը: Ամփոփելով նախորդ տարվա հիմնական արդյունքներն ու ձեռքբերումները' պարոն Ավետիսյանը հանձնարարել է 2020թ. ընթացքում կատարվելիք աշխատանքներին, ծրագրերին մոտենալ ամենայն պատասխանատվությամբ, իրականացնել հավուր պատշաճի և սահմանված ժամկետներում։

Տեսչական մարմնի ղեկավարը հավելել է, որ անհրաժեշտ է առավել ակտիվ գործունեություն ծավալել ոլորտում առկա խնդիրների վերացման ուղղությամբ, արագ արձագանքել քաղաքացիների կողմից ստացված դիմում-բողոքներին ու ահազանգերին, ինչպես նաև աշխատանքները դարձնել հանրության համար առավել թափանցիկ։ Աշխատանքային առաջնահերթությունները քննարկելուց հետո տրվել են նաև այլ հանձնարարականներ։