Բնապահպանության և ընդերքի տեսչական մարմնի Երևանի տարածքային բաժնի աշխատակիցներն իրազեկում-հանդիպում են կազմակերպել

Ոլորտային իրազեկվածության բարձրացման, հնարավոր խախտումների կանխարգելման նպատակով ս.թ. մարտի 15-ին Բնապահպանության և ընդերքի տեսչական մարմնի Երևանի տարածքային բաժնի աշխատակիցներն իրազեկում-հանդիպում են կազմակերպել մայրաքաղաքում գործունեություն իրականացնող տնտեսավարող սուբյեկտների հետ։

Տնտեսվարողներին ներկայացվել են բնապահպանական հարկի և բնօգտագործման վճարների եռամսյակային միասնական հաշվարկների,  ջրօգտագործման, անշարժ աղբյուրներից մթնոլորտ արտանետված վնասակար նյութերի, վտանգավորության աստիճան ունեցող վտանգավոր թափոնների վերաբերյալ տարեկան վարչական վիճակագրական հաշվետվությունների լրացման ձևերը և հրահանգները, հանգամանալից ներկայացրել «Բնապահպանական վերահսկողության մասին» ՀՀ օրենքով նախատեսված գործունեության և գործողության կասեցման ընթացակարգերը:

Մասնագետները պատասխանել են տնտեսավարողների կողմից բարձրաձայնված բոլոր հարցերին, տրամադրել խորհրդատվական նյութեր, բուկլետներ, ինչպես նաև իրենց օժանդակությունը հայտնել տնտեսավարող սուբյեկտներին՝ գործունեության հետևանքով առաջացող խախտումները կանխարգելելու և հետագայում դրանք բացառելու գործում։