ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԲՆԱՊԱՀՊԱՆՈՒԹՅԱՆ ԵՎ ԸՆԴԵՐՔԻ ՏԵՍՉԱԿԱՆ ՄԱՐՄԻՆ
ԲՆԱՊԱՀՊԱՆՈՒԹՅԱՆ ԵՎ ԸՆԴԵՐՔԻ ՏԵՍՉԱԿԱՆ ՄԱՐՄԻՆ
Այսօր Բնապահպանության և ընդերքի տեսչական մարմնի ղեկավար Հովհաննես Մարտիրոսյանն ընդունել է Շրջակա միջավայրի նախարարության անտառային կոմիտեի նախագահի պարտականությունները կատարող Արթուր Պետրոսյանին և «Հայանտառ» ՊՈԱԿ-ի տնօրենի պաշտոնակատար Պավել Ցուգունյանին։
Հանդիպմանը մասնակցել են ԲԸՏՄ կենսաբազմազանության վերահսկողության վարչության պետ Գեղամ Խաչատրյանն ու Բուսական աշխարհի վերահսկողության բաժնի պետ Միքայել Սանթրոսյանը։
Քննարկման ընթացքում Հ.Մարտիրոսյանը կարևորել է շրջակա միջավայրի պահպանության ոլորտում իրականացվող աշխատանքների արդյունավետության բարձրացումը և ընդգծել ապօրինի ծառահատումների, փայտանյութի տեղափոխման դեմ ուղղված պայքարի, կանխարգելիչ միջոցառումների զարգացման տեսլականը։
Անդրադարձ է կատարվել փայտանյութի ձեռքբերման և իրացման, թափուկ վառելափայտի մթերման և բացթողնման, պահպանության և վերահսկողական մեխանիզմների բարելավմանն ուղղված հարցերին և բնապահպանական ոլորտը կարգավորող օրենսդրական բացերին ու հնարավոր փոփոխություններին։
