Դպրոցներում հերթական էկոկրթական արշավը ԲԸՏՄ-ն մեկնարկեց Կաթնաղբյուրից

Կրթական և էկոկրթական միջոցառումները շարունակում են մնալ Բնապահպանության և ընդերքի տեսչական մարմնի առաջնայնությունների շարքում։ Այսօր ԲԸՏՄ ղեկավար Հովհաննես Մարտիրոսյանն Արագածոտնի մարզի Թալին խոշորացված համայնքի Կաթնաղբյուր գյուղի Մուշեղ Գալշոյանի անվան միջնակարգ դպրոցի բարձր դասարանների աշակերտների հետ ունեցել է էկոկրթական հանդիպում։

Աշակերտների հետ զրույցի ընթացքում Հ․Մարտիրոսյանը ներկայացրել է շրջակա միջավայրի պահպանության, Հայաստանի բնաշխարհի արժեքների, ապօրինի որսի կանխարգելման, ջրային ռեսուրսների խնայողության և օդի աղտոտման դեմ պայքարի կարևորությունը։ Աշակերտներն ակտիվ հարցադրումներով կիսվել են իրենց պատկերացումներով՝ բնության պահպանության մասին։

Այս տարի ևս ԲԸՏՄ աշխատակիցներն էկոկրթական տեղեկատվական հանդիպումներ կանցկացնեն Հանրապետության տարբեր դպրոցներում՝ մարզերից մինչև մայրաքաղաք։

Նախաձեռնության նպատակն է խթանել էկոկրթական գիտակցության զարգացումն ու շրջակա միջավայրի հանդեպ պատասխանատու վերաբերմունքը։