ԵՊՀ ուսանողների հերթական մասնագիտական պրակտիկայի ամփոփումը

Բնապահպանության և ընդերքի տեսչական մարմնի ղեկավար Հովհաննես Մարտիրոսյանն ընդունել է Երևանի պետական համալսարանի Կենսաբանության, Աշխարհագրության և երկրաբանության ֆակուլտետների 4-րդ կուրսի ուսանողներին, որոնք իրենց մասնագիտական պրակտիկան անցկացրել են Տեսչական մարմնում։

Հանդիպման ընթացքում ուսանողները ներկայացրել են, որ երկամսյա պրակտիկայի ընթացքում հնարավորություն են ունեցել ծանոթանալ բնապահպանական վերահսկողության, ընդերքի պահպանության և բնական ռեսուրսների կայուն օգտագործման սկզբունքներին, իրականացնել լաբորատոր փորձարկումներ, մասնակցել դաշտային մարկշեյդերական աշխատանքների՝ կիրառելով նորագույն տեխնոլոգիաներ։  

Տեսչական մարմնի ղեկավարը կարևորել է շարունակական համագործակցությունը գիտակրթական հաստատությունների հետ՝ հույս հայտնելով, որ ուսանողները ձեռքբերված գիտելիքներն ու մասնագիտական փորձառությունը կծառայեցնեն շրջակա միջավայրի պահպանության ոլորտի զարգացմանն ու բարելավմանը, հետագայում ներգրավվելով նաև պետական կառավարման համակարգում։