Խոշոր կառուցապատողների հետ քննարկվել են Երևանում մթնոլորտային օդի պահպանությանն ուղղված հարցեր

Հանրային հեռուստաընկերության «Լուրեր» ծրագրի անդրադարձ

Բնապահպանության և ընդերքի տեսչական մարմինը մտադիր է օրենսդրական փոփոխությունների միջոցով ավելացնել կառուցապատման հետևանքով փոշու արտանետման համար սահմանված տուգանքները: 2024-ին միայն Երևանում շինարարության ընթացքում բնապահպանական չափանիշներին չհետևելու 103 խախտում է արձանագրվել: Տուգանքի չափը հասել է 9 միլիոն 500 հազար դրամի: Այս պահին Երևանում 300-ից ավելի բազմաբնակարան շենք է կառուցվում: