Կիսամյակի ցուցանիշների աճ ԲԸՏՄ վերահսկողության արդյունքում

Բնապահպանության և ընդերքի տեսչական մարմնի ղեկավար Հովհաննես Մարտիրոսյանն անցկացրել է խորհրդակցություն, որի ընթացքում ամփոփվել են 2024թ․ 1-ին կիսամյակում կատարված աշխատանքները:

Տեսչական մարմնի կառուցվածքային և տարածքային ստորաբաժանումների ղեկավարները ներկայացրել են ծրագրային և արտածրագրային ստուգումների, նախատեսված ու իրականացված միջոցառումների, կանխարգելիչ-վերահսկողական ստուգայցերի, վարչական վարույթների, կասեցումների ցուցանիշները:

Քննարկվել են ապօրինի ընդերքօգտագործման դեպքերի բացահայտման, ջրերի, հողերի, մթնոլորտային օդի պահպանությանն ուղղված միջոցառումները:

Հ.Մարտիրոսյանը շեշտել է խնդրահարույց ոլորտներում առավելագույնս խիստ վերահսկողություն իրականացնելու կարևորությունը, իրավապահ մարմինների ու համայնքների հետ ակտիվ համագործակցությունը, տնտեսավարողների և հանրության շրջանում կազմակերպվող իրազեկման միջոցառումների արդյունավետությունը:

• 897 իրավախախտման դեպքերն ըստ ոլորտների՝
• 338 մթնոլորտային օդ, ջրային, հողային ռեսուրսներ, թափոններ
• 152 կենսաբազմազանություն
• 85 ընդերքօգտագործում
• 322 այլ

• 671 վարչական վարույթ (2023թ.՝ 28.8% աճ)

• 570 վարչական տույժ (2023թ.՝5% աճ), 81.470.000 դր. տուգանք (2023թ.՝ 58.1%աճ)

• 5.495.753.903 դր. շրջակա միջավայրին պատճառված վնաս (2023թ.՝ 734.6% աճ)

• 45 գործունեության կասեցում (2023թ.՝ 181․2% աճ)

• 227 ստուգում՝ 98 ծրագրային, 129 արտածրագրային (2023թ.՝ 5% աճ)

Ծրագրի կատարողականը 100%

• 107.004.476դր. մուտք ՀՀ պետական բյուջե