ՀՀ ԲՆԱՊԱՀՊԱՆՈՒԹՅԱՆ ԵՎ ԸՆԴԵՐՔԻ ՏԵՍՉԱԿԱՆ ՄԱՐՄՆԻ ՂԵԿԱՎԱՐԻՆ ԿԻՑ ԽՈՐՀՐԴԱԿՑԱԿԱՆ ԱՇԽԱՏԱՆՔԱՅԻՆ ԽՈՒՄԲ Է ՁԵՎԱՎՈՐՎՈՒՄ

ՀՀ բնապահպանության և ընդերքի տեսչական մարմնի ղեկավարի 2025 թվականի փետրվարի 25-ի թիվ 28-Ա հրամանի համաձայն ձևավորվում է Տեսչական մարմնի ղեկավարին կից խորհրդակցական աշխատանքային խումբ։

Խմբի նպատակն է բարձրացնել բնապահպանական և ընդերքօգտագործման պետական վերահսկողության արդյունավետությունը, նպաստել ոլորտային խնդիրների վերհանմանը և լուծումների մշակմանը, ինչպես նաև ապահովել պետություն–մասնավոր հատված համագործակցությունն ու հանրային մասնակցությունը։

Խորհրդակցական աշխատանքային խումբը'

• քննարկում է բնապահպանական վերահսկողության ոլորտին առնչվող հիմնախնդիրներ,
• հանդես է գալիս մասնագիտական եզրակացություններով և առաջարկություններով,
• նպաստում է վերահսկողության համակարգի կատարելագործմանը,
• ձևավորում է մասնագիտական երկխոսության հարթակ։

 Խումբը հանդիսանում է խորհրդատվական մարմին և գործում է կամավորության հիմունքներով։ Խմբի կազմը ձևավորվում է առավելագույնը 20 անդամով և գործում է մինչև մեկ տարի ժամկետով։

Ովքեր կարող են դիմել

Խմբի կազմում կարող են ընդգրկվել'

• շրջակա միջավայրի պահպանության, ընդերքօգտագործման, թափոնների կառավարման և բնապահպանական իրավունքի ոլորտներում գործունեություն իրականացնող հասարակական կազմակերպությունների ներկայացուցիչներ,
• գիտական հաստատությունների ներկայացուցիչներ և փորձագետներ,
• ոլորտում գործունեություն իրականացնող տնտեսավարող սուբյեկտների ներկայացուցիչներ,
• մասնագիտական միավորումների ներկայացուցիչներ,
• բնապահպանական ոլորտում բարձր հեղինակություն վայելող մասնագետներ։

Դիմելու կարգը

Խմբին անդամակցելու նամակ-հայտերը կարող եք ներկայացնել
📧 info@ecoinspect.gov.am
նամակի թեմայում նշելով՝ «Խորհրդակցական աշխատանքային խումբ»։

Հայտում անհրաժեշտ է ներառել'

• Անուն, ազգանուն
• Կազմակերպության անուն (առկայության դեպքում)
• Վերջին երեք տարվա գործունեության համառոտ նկարագիր
• Եթե կազմակերպություն է՝ ղեկավար կազմի տվյալները
• Համագործակցող կառույցների ցանկ
• Բնապահպանական վերահսկողության ոլորտում առաջնահերթ խնդիրների և առաջարկվող լուծումների հակիրճ նկարագրություն
• Հեռախոսահամար
• Էլեկտրոնային հասցե

📅 Դիմումների ընդունման վերջնաժամկետն է՝ 2026 թվականի մարտի 12-ը։